مصري يعثرعلي الفانوس السحري

من طرف أروى السبت يوليو 30, 2011 8:00 pm

[center]شيبك لُبيك

لقيت الفانوس مرة ودعكته طلعلى عفريت قاللى شبيك لبيك
قلت
خلاص الذل أنا ودعته ويا عفريتبالطلبات هأهريك
قالى
ماشي ياإنسان داناالعفريت بن الجان
ما
يهمنيش مكان أو زمان وأطلب وعندى البرهان
قلتله
عاوز قمح زُرع فى مصرومسؤولين يبطلوا فشر
وحكومة
ماتعصرنيش عصرومرتب يسترنى لآخرالشهر
وعاوز
عيش بدون طوابيروحكومة ضدالتبذير
وانتخابات
من غير تزويرورئيس سابق أشوفه كتير
وعاوز
فى بيتى سكر ودقيق وسبب مقنع لأى حريق
ومجلس
شعب بدون تصفيق وفى كأس العالم لينافريق
وعاوز
أزور شرم الشيخ وصباعين كفتةبتاعة السيخ
وأشرب
مرة عصير بطيخ وأخرج من القسم بدون تلطيخ

ونفسى الضحكة ترجع تانى وحتة لحمة كندوزأو ضانى
وجنيه
مصرى زى البرانى ورصيف للمشى أناوخلاّنى
رد
العفريت عليا بغشم وقال يامصرى ماكانش العشم
بص..
أنا ممكن أنقلك الهرم واسدلك الاوزون اللى اتخرم
وأرجعلك
الأكل اللى اتهضم وأعملك بقرة من الغنم
وأعملك
قصر من العدم وأقولك معنى شرم برم
بس
طلباتك طلبات ملموس عقله خلاص أكلها السوس
ده
تخطيط يا بنى ومدروس إنك تعيش على طول موكوس
وأحنا
بناخد منكوا دروس إزاى نخلى العفريت متعوس
ويا
رب ترجعنى تانى الفانوس وزى بعضه أعيش محبوس
بدل
ما أخرج واتبهدل زيكوا أعيش موكوس على متعوس

يارب الاحلام دي تتحقق والدنيا تتغير والثوره تحقق اهدافها

[/center]