احلامى بتتسرق

من طرف **Jana** الجمعة يوليو 22, 2011 10:40 pm

أحلامى بتتسرق
اوراقى بتتحرق
وانت قلبك أنانى
سيبت قلبى يعانى
وتقولى هانسحب
والله غدرك دبحنى
انت ظلمك جرحنى
وخليتنى مكتئب
قلبى أتحمل كتير
عشان حبى الكبير
ومشيت ف حر الهجير
زى عاشق أسير
وعمري ليك وهبت
انت خنت الامانه
ورضيت ليا المهانة
احسن لى انسحب
خلاص ان الاوان
اللى انساه يا زمان
وأقول أنساه يا قلبى
هو اللى باع حبى
بقى استمرارنا صعب
أنا قلبى صان هواه
ودايما كان معاه
وعمرى كان فـداه
وتمنيت رضــاه
ده خلانى وهـرب
نسى حب السنين
وهوى العاشقين
وقتل كل الحنين
مش خايف م العتب
أنا تحديت الصعاب
وتحملت العذاب
وأنت بلا أسباب
تخلينى ف غضب
أنت حرقت كتابى
وضيعت عمرى وشبابى
وزدت بقلبى اكتئابى
أكرم لى أنسحب