facebook

انا عاوز من كل فرد يدخل الموضوع وييرد يقولى هو
شايف الفيس بوك ازاى

بصراحه انا اكيد هكون مش شايفه كويس لانى مش بدخله ولا متعودة عليه بس هتكلم من منطلق فكرتى عنه اولا انا شايفة ان الفيس بوك دة ادمان للشباب والبنات وبقى حاجة روتينية فى حياتهم يمكن فى الفترة الاخيرة كان لية دور وكل الناس عارفين ان الفيس هو الطريق الاساسى لقيام الثورة بس للاسف مكملش دوره فى انه يقضى على الفساد فدلوقتى كانه محصلش حاجة ولا نقدر نقول ان الفيس غير حايتنا

ايه هى سلبياته وايه هى ايجبياته

سلبياته وايجابيته متوقفه على استخدام الشخص ليه يعنى قصدى لو انا استخدمته فى انى انمى فكرى واتبادل الاراء فى مواضيع هامة اكيد مش هكون شايفله سلبيات اما مثلا زى الشباب اللى بيقضوا طول الوقت فى محادثات ومواضعهم بتكون تافهة مش هيكونوا شايفين ايجابيات ليه
فاحنا لو احسنا استخدامة هنمحى سلبياته

استفدت منه فى ايه وضرك فى ايه
بالنسبالى لاضرنى ولا استفدت منه لانى مش متعلقة بيه
وهل لو مش الفيس بوك مكنتش قامت الثوره ؟
والله انا من رأيى ان الفيس بوك فكرة من تدبير موضوع قيام الثورة وكانت ممكن تقوم من غير الفيس بوك لية لا؟
لان مش دة المكان الوحيد اللى كانوا بيتجمعوا فيه الشباب لان اكيد ايام الثورة النت بيكون فاصل فاكيد كانت فى وسيلة تانية او اماكن تانية

كلمة اخيرة بقى منى بصراحة انا مش شايفة لكل اللى بيحصل وهيحصل نتيجة وللاسف بعد كل اللى الشباب عملوه مقدرناش نقضى على الفساد كله وما زال من الخراب والتدمير وسوء الادارة لسة موجود
وانا اول واحدة هتشجع لقيام الثورة تانى بكرة لان احنا ما زلنا تحت الحكم الديكتاتورى
ياريت اكون وفقت فى اجاباتى