فضفض معانا وانت هتستريح

كثير ما اشعر بأنى وحيد وكثير ما احتاج ان اتكلم مع احد ولكنى لا اجد.
لا اجد سوى قلمى واوراقى هم المقيمين معى والمؤنسين وحدتى . نعم اعتدت ومن زمن طويل ان افرغ ما بداخلى فى اوراقى حتى استريح و يصفى زهنى .
ومن هنا جئت واحمل فى عبائتى فكرة وهى ان يكون لنا موضوع كلنا نكون مشتركين فيه لا يخصنى لوحدى ولكن يخص كل انسان له قلب ينبض بمشاعر مختلفة يريد ان يخرج كل مشاعره لستريح .
وعقل يفكر ويحلم بالمستقبل يريد هو الاخر ان ينفس عن احلامه وطموحاته.
فالنتفق على ان الانسان يكون فى حالات كثيرة. فمنها ان يكون فى حالة غضب اوضيق لا يريد ان يتكلم مع احد لانه يعلم انه فى حالة لا يسمح فيها الكلام ولكنه فى نفس الوقت يريد الافصاح عما بداخله ولا يجد سوى الورقة التى تستحمله وتستحمل ضيقه او عصبه.
ولكن هذه الورقة لا تكفى لانه يحتاج الى احد يطبطب عليه او على الاقل يحتاج الى اذان تتفاعل معه وترد عليه.
وهناك الاخر الذى يكون فى حالة عشق وحاله من الحب لا يريد ان يخبر احد عنها خشية الاحراج والكسوف ولكن يريد ان يصف حالته للاخرين حتى يشتركو ا ويسعدوا معه.
والاخر الذى يشتكى من وحدته ويريد ان يتحدث مع احد ولا يجد .
والاخر الذى لديه مشكله سواء اكانت عاطفيه او حتى شخصية لا يريد ان يتحدث مع اصدقائه
عما بداخله ولكن يريد ان يعرف حل لهذه المشكله دون الشعور بالحرج ولا الكسوف.
والاخر الذى يريد ان يتحدث عن ماضيه وعن احلام مستقبله وعن حاضره وعن مواقف تعرض لها...الخ
كل هؤلاء الاشخاص مجتمعون بداخلنا ولا ندرى.
تعالى واتكلم وفضفض .. صدقنى هتستريح من ال جواك وال تعبك لاننا كلنا اخوات تجمعنا مشاعر الحب والخوف على بعضنا واكيد مشكلتك هى مشكلتنا هنشترك فيها ومش هتبقى لوحدك ولا هتحس ابدا بأحراج بس انت تعالى وافتح قلبك وفضفض معانا.

اكتير حلوووووووووووووو
وراح افضفض معك
يابوسي

يا اهلا بك
وانا فى انتظارك د\عاشق

وانتى رئيك ان كله حيفضف برده
مظنش ان حد عنده الجرائه انه يفضفض عن موضوع هو كان غلطان فيه وعمال يئنب نفسه لحد دوقتى
كلها حتبقى موضيع سطحيه
تبقلى مرورى

انا اشكرك ان انت اعطيت رأيك
بس انا مش معاك فى الرأى ده
لان انا ارى ان اكتر ناس محتجين انهم يتكلموا هم الناس ال بيبقوا ضميرهم حى
وعمال يئنبهم على اشياء فعلوها وهم عارفين انهم غلطوا
علشان كدة محتاج ان يتكلم ويحكى على الاقل يستريح
ساعتها ضميره الحى وتئنيب نفسه هيقوى على جرأته
وده رأيى

اولا بهنيك يا بوسى يا حبيبتى على اول موضوع تكتبيه

قد ايه هو موضوع مهم وكويس جدا

لان الانسان لازم يصارح نفسه بآخطائه
تقبلى مرورى

تسلمي يا بوسي موضوع كتير جميل

وانا متضامنة مع هانا بالفكرة دي

يعني هيكون الحوار اوسع

وبالتالي هناخد افكار بعض ونتناقش زكدة

ها اية رايك

يسلموو سما بس لازم توافق

عادى يا جماعة
انتوا كبرتوا الموضوع دون داعى
ومدام دى وجهة نظر الاغلبية فيكم
اوك بس لازم نلغى ده الاول
وبعد كدة نكتب فكرة الموضوع ال انتوا اقترحتوه
انا مش من النوع ال بفرض رأى على احد
وتسلمولى

بوسى
كلنا مقضرين موقفك كويس
جدا
وعرفين ان دا اول موضوع تكتبيه
وعلى فكره الموضوغ جميل كدا
وانا موافق عليه
بس يا بوسى فى مشكله
محدش حيتكلم مش عشان خايف يتفضح او كدا
لان محدش عنده الشجاعه انه يبوع بسر ما سدق انه اندفن
فهمتى
وبعدين انا معكى فى موضعك
وحنكمله للاخر
وعشان تشجعى الناس
كان لازم انتى اول وحده تفتضف
ولا ايه

ههههههههههههههههههه
انت بتحرجنى بقى
عادى يعنى
انا جاتلى مجرد فكرة طرحتها تحتمل الصواب وتحتمل الخطأ
وانتوا قلتوا رأيكم فيها بصراحة
بس انا ماكنتش قصدى خالص ال انتوا فهمتوا
انا كان قصدى يا جماعة اكيد بياجى علينا اوقات نكون نحس ان احنا لوحدنا
ومحتاجين ان احنا نتكلم بس
فأنا قولت فى موضوعى ال عايز يتكلم يتكلم
ارجو ان انتوا تكونوا فهمتوا قصدى

يعنى مش عاوز تتكلمى
خلاص ييبقى الوضع كام هو عليه وعلى المتضرر اللجوء الى القضاء

طيب ممكن اوكل محامى للدفاع عنى
مع انى املك قاموس من اللغة
بس الامر ما يسلمشى
ههههههههههههههههه
ان شاء الله هتكلم بس لما احس انى عايزة اتكلم
اوك

اوك يا بوسى

خلاص يا بوسى زى ما انتى عايزة والموضوع هيمشى على كدة وهيكون فعال

ومفيش ياستى قضاء ولا حاجة
ههههههههههههه

يلا بقي

خلاص

الموضوع
خلص

اية دة

يلا نبدأ
بطرح مشكلة والتكلم حولها

أوك

يلا نتناقش في مسألة البطالة وكيف نحلها؟؟

يلا وانا معاكم
تسلمى يا هانا ان نتى طرحى هذا الموضوع لانه يعتبر الشغل الشاغل لكثير من الناس
واحنا لازم نناقش هذا الموضوع بكل جد لانه يأرقنا جميعا ولازم نعرف اسبابه ايه وكمان لازم نوجد له مقترحات
ونبدأ بالاسبات
اذا سألت اى جهة رسميه عن هذه المشكله وعن اسبابها ؟
فهتكون حجتها قصدى اجابتها هى الزيادة السكانيه
مش معقول نقول فى مصر ان يوجد زيادة سكنانيه امال نقول على الصين ايه؟
والصين دى لا تمتلك نصف ما تمتلكه مصر من موارد
ولكن الشء المحزن فى هذا الموضوع ان السبب فى المشكلة السكانيه هى
سوء استخدام موارد مصر وعدم استغلالها الاستغلال الامثل
وعدم تهيئة تلك الجهات الموارد المناسبة لشباب لكى يبدوا فى العمل
وبجد الذى احزننى كثيرا جدا عندما وجد ان الاشياء التى نستخدمها فى ديننا للاسف من صنع الصين يعنى كمان احنا مش قادرين ان احنا نصنع اشياء نحن المفروض اعلم بها من غيرنا
يعنى بجد لو احسنت الجهات فى توزيع الموارد واستغلالها على النحو الصحيح مع توفير لخامات الذى يبدأ بها الشباب
هنقضى على مشكلة البطاله
تعرفوا ان الدول الاوربيه لو تخرج الشاب من الكليه والحكومة لم توفر له عمل بتعطى له مرتب لحد ما توفر له فرصة عمل
بعد هذه الجملة مش عارفة اتكلم
يلا يا شباب ادخوا وناقشوا الموضوع قولوا ارائكم ومقتراتكم
وانا عن نفسى لسه كلامى لم ينفذ بعد ولكنى توقفت عند الجملة الاخيرة وان شاء الله نكمل

[ندعوك للتسجيل في المنتدى أو التعريف بنفسك لمعاينة هذا الرابط]

انتى طرحتى يا هانا موضوع مهم جد
وهوالمعاكسة ولكن المعاكسة تطورت الى التحرش
والتحرش صورة بشعة من صور المعاكسة وتكاد تكون كلمة المعاكسة حذقت من القاموس واستبدلت بالكلمة الاقبح منها وهى التحرش
ويوجد العديد من الاسباب التى ادت الى ظهور مايدعى بالمعاكسة والتحرش وهى
السبب الرئيسى فى ذلك هو غياب الوعى الدين لدى الكير من شبابنا وبناتنا
السبب اثانى هو غياب القيم التربويه السليمة فى الكثير من بيوتنا
السبب الثالث هو ابتعادنا عن العادات والتقاليد الشرقية الاصيلة وتطلعنا الى العادات والتقاليد الغريبه
السبب الرابع هو ارتداء الفتيات الملابس التى لا اجد وصف لها وهذا اخطرالاسباب التى ادت الى ذلك
زمان كانت المعاكسة بتكون كلمات بيقولها الشاب للفتاه قد تكون كلمات غزل او كلمات سب
الان ظهرت مرحلة جديدة وهى التحرش وكنا نعلم صورالتحرش
واه اسفاه على الذى يحدث الان فى الشارع
على فكرة البنات المحترمة برضة بتتعاكس
مش عارفة ده ليه بس ممكن يكون الشاب زهق او عايز يجرب النوع الثانى من البنات ازاى بيتعاكسوا وازاى يكون رد فعلهم عليه
يا جماعة ده حتى البنات المنتقبات بيتعرضوا للمعاكسة والتحرش
والهى لوالبنات والشباب يتجهوا الى الله وغضوا ابصارهم
هيبقى فى امان وهنعيش كويس
وربنا يستر علينا وعلى الشباب